Uraren Munduko Eguna   martxoa - 22 - marzo Uraren Munduko Eguna Uraren Munduko Eguna urte bakoitzeko martxoaren 22an ospatzen da, NBEren Batzar Nagusiak aldarrikatua 1993ko abenduaren 22ko A/RES/47/193 Ebazpenean. Planetako ur-baliabideak zaintzeak duen garrantziaz jabetzea du helburu nagusi, Lurreko espezie guztien bizitzarako ezinbesteko elementua baita. Efemeride honen bidez, uraren mundu-krisia eta edateko uraren hornidurarako sarbiderik ez duten milioika pertsonak aurre egin behar dieten arazoak ezagutarazi nahi dira, baita horren inguruan hartu behar diren premiazko neurriak ere. Imajinatu iturria ireki eta ur tantarik ere ez duzula ateratzen, ezinezkoa litzateke familia batentzat beharrezkoak diren eguneroko lan gehienak egitea! Elikagaiak garbitzea, gure higienea, janaria prestatzea eta eguneroko bizitzako beste jarduera asko. Munduko herrialde askotan, ura oso baliabide urria da, edo kutsatuta dago. Ura eskuratzea oinarrizko giza eskubidea da, eta munduko h...